Analisti Artur Zheji ka komentuar sot situatën e kriminalitetit në vend dhe raportimin e Drejtorit të Policisë së Shtetit Gledis Nano në Komisionin e Sigurisë.
Në emisionin “Pikat mbi i”, Zheji deklaroi se “mungesa e opozitës”, ndikon në presionin që duhet t’i bëhej qeverisë për të rritur ndëshkueshmërinë e krimit.
Sipas Zhejit, drejtori i Policisë duhet të bënte një analizë se çfarë duhej bërë më shumë në raport me situatën ku ndodhet vendi.
“U rrëfye shumë politkë ndryshe nga çpritet nga ai, u tha sikur është drejtori i amerikanëve pra njeriu i amerikanëve në krye të policisë.
Prisja më tepër një analizë ku jemi e cfarë do bëjmë jo sa mirë jemi në raport me Bullgarinë. Kujt i dihet se jemi ne më mirë ne raport me Rumaninë e Bullgarinë.
Vrasjet janë kualitative të ndryshme, ti nuk e di nëse është vrarë një ish kryetar bashkie mes qytetit duke ecur me gruan pra një vrasje makabre, në mes të Tiranës dy persona te Astiri u vranë.
Mos themi pastaj që vrasjet edhe të paparashikueshme, të gjitha këto mendoj që kemi një qeverisje që e ka marrë lehtshëm qeverisjen me një mijë kompromise dhe s’ka opozitë.
Opozita po ha vet veten pa diskutim e në këtë këndvështrim ky është momenti më degradues që një qeveri s’arrin ndot të vetëkorrigjohet duhet patjetër të korrigjohet nga jashtë nën presionin e një opozite e cila mjerisht nuk është.
Presioni që ushtron opozita kur pushtetet janë të përkohshme e jo të përhershme 3 mandate do të thotë pushtet padfund e bën më të mobilizuar instrumentet policorë, hetimi e presioni i krejt mazhorancës.
Pra këtu kemi një rrumpallhane të institucioneve që duhet të merren me parandalimin e krimit, sepse krimi kur merr kaq shum guxim që vret në mes të Tiranës, Shkodrës e ndjen veten që është i pandëshkueshëm.
Pra kemi kaluar nga pandëshkueshmëria e politikanëve tek pandëshkueshmëria e kriminelëve. Se një kriminel që të vret nëse skapet e di që nuk e gjen asgjë.”
